Khawahishe Naari ki.....

Suhagrat ki madhur belaa,meri dhadkan mein bas gayee hai. Us raat mujh per chhaayaa tha, ek ajab saa nashaa. Kyonki us rat unka jalwaa,ban gayaa tha kahkashaa. Suhagrat ke baad piya se, meri preet badh gayee hai. Jeevan bhar us rat ki khooshboo, mere tan badan mein chhaaee rahegi. Kyonki us rat ki haseen yaadein,mere jeevan ki parchhaee rahengee. Us rat piya ke roop mein mujhe,ek sachha dost mila. Jisse khulkar kar sakoon main, har ek shikwaa gilaa. Salone piya ka pyaar paakar,main sanwar gayee hoon. Sirf unke jism mein hi nahi,unki rooh mein bhi utar gayee hoon. ............................................................................................................................................................ Aap meri jindagi mein khushiyon ki bahaar lekar aaye hain. Jiske bina jhulas rahi thi meri rooh wo fuhaar lekar aaye hain. Naseeb hota hai jo kisee kisee khushnaseeb ko, Meri jindagee mein wo mahktaa aseem pyaar lekar aaye hain. ......................................................................................................................................................... Jab yauvan ladki ko chaaron taraf se gher letaa hai tab, Ajeeb see bechainee uske dil mein bhar jaatee hai. Uski aankhein besabree se kisee kaa intejaar kartee hain, Uske chehre ki hayaa bhi uske hriday ki vyathaa nahi chhupaa pati hai. Use kisee shingaar ki jaroorat nahi hoti, Piyaa ko dekhte hi ajab see laalee uske mukhmandal par chhaa jati hai. Dil se wo milan ka intejaar karti hai, Lekin virah ke baare mein sochkar hi wo vyathit ho jati hai. ................................................................................................................................................................ Hothon pe muskaan khil jati hai meri, Uski ek sharaarat se. Aankhein chamak jati hain meri, Uski ek aahat se. Uski ek jhalak pate hi, Mera ang ang sajeev ho jaata hai. Mera udaas man bhi, Uske sparshmatr se praffukit ho jata hai. Pataa nahi usme kyaa, Visheshtaa chhipee hai. wo mere is andhkaarmay jeevan mein prajalit huee, ......................................................................................................................................................... Tanhaiyon se ghir gayee hoon main. wo jo kabhi hasrat bankar jagee thee mere dil mein. Aaj mere pairon ki jangeer ban gayee hain. Duniyaa se bilkul alag ho gayee hoon main. Jab pratham bhent hueeunse to. mere tan man mein pyaree see anubhooti huee. Unki aankhon mein dekhne ki himmat nahi thi mujhme, par bhi unhe jee bhar ke dekhna chahtee thi. Wo mand mand muskurate hue mujhse baatein karte. Aur lagataar dekhte rahte mujhe. Par main sankochvash unhe koi bhi jawaab nahi de paatee. Us pal mujhe lagaa aise ki wo mujhe bahut pasand karte hain. Us din ke baad unse roj hone lagee baatein. In baaton ko sunkar unke prati lagaav bahut gahraa ho gayaa hai. Lekin waqt ne sab kuchh ulatkar rakh diya hai. Ab ghir gayee hoon main ek ajab si udaasee se. Shaayad wo bhi ghir gaye hon tanhaaiyon se. Aur bhar gayee ho rom rom mein unke udaasee. Phir bhi man mein ye aas hai ki, kabhi dukh ke badal chhantege aur hoga khushhaal savera. ek jagmagaatee roshnee hai. Uski aankhein hameshaa bolti hain, Uski baatein mujhe toltee hain. Uski mand mand muskuraahat, Uske dil me chhipe raaj kholtee hain. Khush hai wo mere hothon ki muskurahat se. Main bhi uski ek muskurahat ke liye taras jati hoon. Ishwar kare ki hamara ye rishta itna majboot ho jaaye ki, Ham dono har khushee ka swaagat muskuraahat ke saath karein.