Ongeslypte Boort

So lank het ek gewag, soms gehuil, soms gelag, my droomwêreld, my musiek, my vuur, onderdruk en ander met verliefdheid verduur. Maar my kunstige note het ek saamgeweef, – ‘n manier om my passies uit te leef – onwetend het ek vir jou gesing, jy het besluit om jou wêreld na my te bring. Jy voer my hart uit met ‘n perde galop, en lewenswaarhede wat my hartseer stop, jy het moeiteloos my hart kom steel, en al óns drome, óns passies, met mý kom deel! Nog nooit kon ek my liefde en woorde só uitgee, daar is geen storms, net ‘n kalm see, voor jou was lief wees vir my ‘n boort, jy het dit laat skitter, dis nou meer as net ‘n woord. (Aan die een waarmee ek eendag gaan trou, 5 September 2004)