Spieëlbeelde

Die lewe is ‘n legkaart, gemaak van stukkies glas. Herstel die legkaart stuk vir stuk, soos wat dit eenmaal was. Maar soos jy sit en werk, en stadig aan sal hou, kom jy agter na ‘n ruk, die stukkies sny vir jou. Elke druppel bloed se gapende wond en sny, is in der waarheid, my geliefde, ‘n deel van jou en my. Want die lewe is mos pyn en lyding, almal sinoniem. En elk van ons kry ons beurt, ongeag of jy dit verdien. As ek my legkaart dalk kan herstel tot sy vorige prag, weet ek watter prentjie ek dan dalk sal kan verwag: ‘n Spieëlbeeld van jou en my, soos dinge eenmaal was. Maar jy’t my spieël gebreek my liefling. Dis alles net oor jou... Dag in en uit sit ek om, met hierdie taak so grou. Herstel die legkaart stuk vir stuk, soos wat dit eenmaal was. Die lewe is ‘n legkaart, gemaak van stukkies glas